Europako Parlamentuak aurreko astean onartu zuen kargagailu unibertsal mota bakarra ezartzea Europar Batasunean merkaturatzen diren gailu elektroniko guztientzat. Parlamentuak hartutako erabakiaren arabera, 2024ko udazkenerako, sarri erabiltzen diren gailu elektroniko txiki eta ertain guztiek C Motako USB kargagailu bat erabili beharko dute.
Hartara, bai mugikorrek, bai tabletek, bai eBookek, bai entzungailuek eta argazki-kamerek, besteak beste, C Motako USB kargagailu mota bera erabili beharko dute eta elkarren artean trukatu ahal izango dira.
Halaber, data horretatik aurrera, ordenagailuek 40 hilabeteko epea izango dute legeria berrira egokitzeko eta Europako eredu unibertsala kargagailu bakar gisa ezartzeko.
Europako Parlamentuak iragarritako datuen arabera, neurri horrek eragingo du milioika kargagailu bota behar izatea kontinente osoan. Kalkuluen arabera, urtean 11.000 tona hondakin elektroniko inguru sortuko dira bestelako karga-ataka bat erabiltzen duten kargagailu guztiak baztertzen direnean.
Kargagailuak homogeneizatzeak munduko merkatu teknologikoan ere eragin dezake, eta are hondakin gehiago sortu, agian beste herrialde batzuetan estandar bera erabiliko baitezakete, enpresek beren produktuen fabrikazioa errazteko asmoz.
Europako Parlamentuak hartutako erabakiak izango duen beste hobekuntza bat hau da: 250 milioi euro aurreztuko dira erabiltzaileek kargagailu bera erabiliko baitute gailu elektroniko guztietan.
Black realistic usb type c cable or wire isolated on white background. 3d rendering
