Baliteke Instagrameko kontua itxi nahi izatea edo, besterik gabe, zure profilean argitaratu duzun guztiaren segurtasun-kopia bat egin nahi izatea. Kasu horretan, onena Instagrameko zure kontuko eduki guztia deskargatzea da, PCan edo disko gogorrean ondo gordetzeko. Baina, deskarga daitezke sare sozial horretako argitalpen guztiak aldi berean?
Plataformak berak doako aukera eskaintzen du horretarako. Eta tresna horrek argitalpenak deskargatzeko aukera eman ez ezik, sare sozialeko jarduera guztia deskargatzeko beta ere eskaintzen du: iruzkinak, like-ak, jarraitutako pertsonak… Hurrengo urratsak egin ondoren, dena iritsiko zaizu helbide elektronikora.
Pribatutasuna eta segurtasuna: lehenik eta behin, Instagramen kontua ireki behar duzu, eta, ondoren, zure profilaren avatarra sakatu, pantailaren goiko eskuineko aldean. Hori egitean, leiho bat zabalduko da aukera batzuekin, eta “Doikuntzak” fitxan sartu behar duzu. Karpeta horretan, “Pribatutasuna eta segurtasuna” aukeratu.
Deskargatu datuak: “Pribatutasuna eta segurtasuna” atalean, “Deskargatu datuak” atalean sartu beharko zara. Horren azpian, letra beltzez idatzita, kolore urdineko beste aukera bat ikusiko duzu: “Eskatu deskarga”.
Hala, Instagramek pantaila berri batera eramango zaitu erabaki hori berresteko. Datu horiek HTML edo JSON artxibo gisa deskargatzeko aukera eskainiko dizu plataformak. Lehenengo aukera errazena izan ohi da, baina datuak beste web zerbitzu batera esportatu nahi badituzu, onena JSONen deskargatzea izango da.
Mezu elektronikoa: Hautaketa egin ondoren, Instagramek zure datuak bidali arte itxaron beharko duzu. Sare soziala 48 orduko epea du bidalketa hori gauzatzeko.
Mezu horretan lauki urdin bat agertuko da, “Deskargatu informazioa” izenekoa. Bertan klik egitean, zip fitxategi bat deskargatzen hasiko da, zeina deskarga-karpetan gordeko den, besterik adierazi ezean.
