Norberaren ordenagailuaren abiadura azkartzeko bost aholku sinple eta erraz bildu ditugu artikulu honetan, ohiko azaroa izaten baita makinaren abiadura moteltzea edo makinak izan dezakeen abiadura guztia ez baliatzea. Windowsen erabiltzaileentzako aholkuak dira.
Espazioa askatu
Windowseko hasiera-barran , ahikoa da Cleanmgr idaztea diskoko espazio-askatzaile bat aktibatzeko. Eskuineko klik egin eta administratzaile gisa exekutatu. Zabaldutako leihoan sistema eragile lehenetsiaren diskoa agertuko da; beraz, nagusia ez den disko batean tokia egin nahi baduzu, aldatu hautatutakoa. Ondoren, sakatu Ados.
Orduan, programa hori diskoan zenbat leku aska dezakeen kalkulatzen hasiko da, eta, ondoren, zerrenda bat agertuko da, ezaba ditzakeen hainbat fitxategi-motarekin eta gaur egun betetzen duten espazioarekin, eta, horrez gain, fitxategiaren edo karpetaren xedeari buruzko deskribapen labur bat agertuko da. Azkenik, sakatu Ados.
Desinstalatu
Ordenagailuek, gizakion pazientziak bezala, muga bat dute eta ezin dira bizitza osoko proiektuak gorde; horregatik, errazena desinstalatzea da. Aplikazio eta programa horiek, espazioa betetzeaz gain, bigarren mailako prozesuak ere burutu ditzakete. Konponbidea Windows 10 konfigurazioan sartzea da (zuzenean hasiera-barran bila daiteke), eta goitik beherako menuan, Aplikazioak aukera markatzea.
Aukera horretan, ordenagailuan instalatutako programa guztien zerrenda aurkituko du erabiltzaileak. Sakatu eta Desinstalatu erabiltzen ez direnak, duela urtebete baino gehiago erabiltzen ez direnak eta, batez ere, erabiltzaileak ahaztu dituen guztiak. Hori bai, kontuz, Microsoftek sortutakoak ezabatzearekin, batzuek sistemaren oinarrizko funtzioak kontrolatzeko balio baitute.
Software gaiztoak garbitu
Birus eta malwar horietatik babesteko hainbat modu daude; errazena sistema eragilean dagoen Windows Defender erabiltzea da.
Windows 10 konfiguraziotik Eguneratzea eta segurtasuna atalera sartu, eta gero, Windowsen segurtasuna sakatu (armarri batekin markatuta). Pantaila horretatik, zeina Windows Defender-en nagusia den, Birusen eta mehatxuen aurkako babesa (armarri batez markatua) sakatu.
Orduan, Azterketa azkarra sakatu. Aukera hori agertzen ez bada, Windows Defender-en antibirusaren aukerak klikatu beharko dira, eta Aldizkako analisia aktibatu. Izenak dioen bezala, azterketa egiteko abiadura ez da azterketa sakona, baina mehatxu garrantzitsuenak detektatuko ditu. Azterketa-aukerak atalean, halaber, analisi xeheagoak (baina motelagoak) edo pertsonalizatuak marka daitezke karpeta edo disko bakar batean.
Hasierako exekutatzea desaktibatu
Programa asko automatikoki exekutatzen dira ekipoa abiaraztean. Aurrez zehaztutako aukera hori duten aplikazio guztietan uzten bada, sistema eragilearen abiatze-denboran eta funtzionamenduaren abiadura orokorran eragin handia izan dezake.
Hori konpontzeko, nahikoa da Control + Alt + Ezabatu sakatzea eta Zereginen administratzailea aukera hautatzea. Behealdean, sakatu Zehaztapen gehiago, menuaren bertsio osoa ikusteko, eta sakatu Hasiera goiko aldean, ordenagailua piztean bakarrik hasten diren programa guztiak ikusteko.
Agertzen diren bi zutabeetan, Egoera izenekoari erreparatu. Aktibatuta markatu bada, hasieran exekutatuko da. Hasierako Eragin-zutabeak hauxe adierazten du: aplikazioa automatikoki abiarazteak sistema eragilean eragiten duen kaltea. Oso informazio erabilgarria da pribilegio horiek zein programatatik kenduko diren erabakitzeko, eskuinean klik eginez eta Desaktibatu markatuz.
Beste modu erraz bat ere badago , indows 10en Konfiguraziotik. Aplikazioak menuan; Hasiera sakatu, eta Hasiera aukeran automatikoki exekutatzen diren programen zerrenda zabalduko da. Deskatibatzeko, Aktibatuta barratxoaren gainean klik egin, eta alderantziz.
Mundu errealeko zaborra
Zabor hori garbitzeko hainbat tresna beharko dira. Kanpoaldeak garbitzeko zapi bat eta zirrikitu, ataka, oinarri-plaka eta, batez ere, haizagailueta elikatze-iturriarentzako brotxa edo aire-puztu bat; hor pilatzen da benetako hautsa; beraz, hor ahalegin handiagoa egin beharko da. Palak hautsez beteta dituen haizagailu batek mantsoago biratu dezake, eta, ondorioz, ordenagailuaren tenperatura igo, eta sistema moteldu.
Hori guztia eginda gero, abiadurak motel jarraituz gero, eta ordenagailua oso zaharra bada edo asko erabili bada, ziurrenik hardwarea berritzeko, eta soak xahutzeko edo prozesadore ahaltsuago bat erosteko garaia izango da.
