Ottens ingeniari herbeheretarrak bizitza osoa egin zuen Philips enpresan, bai eta hamarkadetan nagusitu zen kasete analogikoa garatu ere. Kasete zinta ospetsuen sortzailea Herbeheretan hil da 98 urte zituela. Compact disc-aren garapenean ere parte hartu zuen.
1960ko hamarkadaren hasieran Endhoven Philipsen Hasselt enpresan kasetea sortzen hasi zen taldearen zuzendaria izan zen Lou Ottens.
Hala, 1963. urtean aurkeztu zen asmakizuna Berlingo IFA azokan, eta Alemanian seriean egiten hasi zen. Bi urte geroago, Europako gainerako herrialdeetara merkaturatuko zen.
Bigarren Mundu Gerrako irratiak entzuteko aukera ematen zion irratia eraiki zuen Ottensek gaztetan; berezko trebetasun handiak zituen esparru horretan.
Ameriketako Estatu Batuetara 1969an iritsi zen kasetea, Philips konpainiako The Mercury Record Company enpresak kasete formatuko 49 ekoizpeneko lehen tirada eskatu zuen arte.
Sorkuntzak inflexio-puntu bat izan zuen 1971. urtean, kromodioxidozko zintari esker zaratak murrizten zituen aldaera bat egiten hasi zirenean. 1974. urtean, Japoniako Maxell enpresa japoniarra kaseteak zinta birjinarekin fabrikatzen hasi zen; etxeko grabazioak berehala zabaldu ziren zintza birjinaren ondorioz. Orduan bilakatu zen kasetea objektu ezagun.
Kaseteak egun, bigarren susperraldi bat bizi du musika underground eta diskoetxe independenteen artean, bere fabrikazioa oso merkea baita.
