CyberLehiaren finala egingo dute  apirilaren 3an Bilboko Zorrozaurreko La Terminalen, 9:00etatik 14:30era bitarte, eta EITBk zuzenduko duen streaming bidez jarraitu ahalko da. Lanbide Heziketako 30 ikastetxetako 450etik gora ikaslek parte hartuko dute.

Aurten, gainera, txapelketaren formatua aldatu dute, zibersegurtasunaren gaineko jakingura duten ikasleek parte hartzeko parada izan dezaten.

Ekimenaren webgunean jasotzen denez, “aurtengo helburu berria, zibersegurtasunari buruzko jakin-mina duten ikasleei ere parte-hartzeko aukera ematea da. Horretarako, espreski, txapelketaren formatua aldatu da. Alde batetik, gai ezberdin asko lantzen dituzten 60-70 erronka motz izango dituzte ONLINE jokatzen den lehen fasean (GAIAK: Industria, Sareak, Kriptografia, Windows, Web, etab.). Bestaldetik, erronka horien artean, asko OSO errazak izango dira, ikasle hauei erronkak gainditzeko aukera emateko asmotan. Lehiaketa taldeka parte-hartzeko pentsatua dago, baina banaka ere izena eman dezakete (pertsona 1, 2 eta 3ko taldeak onartzen dira)”.

Informazio gehiago, hemen.