Xare Euskarazko Kultura Digitalaren Jardunaldia egingo dute Laudioko Udal Kultur Aretoak gunean, azaroaren 28an. DBHko goi mailetako eta Batxilergoko 400 ikasle inguruk parte hartuko dute jardunaldian, zeinak goiz oso bat irauten duen.
Bizkaiko Xare jardunaldia Azkue Fundazioak sustatzen du, azkena, iragan martxoan egindakoa, saio bikoitza izan zen, eta Barakaldoko, Portugaleteko eta Santurtziko ikasleek parte hartu zuten.
Hala nola, ondoko edukien berri izango dute gazteek Laudion.
- Egunean Behin, CodeSyntax
- Pribatutasuna sarean, Gisa ElkartekoMaider Likona.
- Gaitu.eus, ahotsak grabatzeko egitasmoa.
- Musika sortzeko teknikak, DJ Makalarekin
- Argazkigintza mugikor bidez, Oier Fuentes
- Gamer gela, Game Erauntsia
- 3D inprimagailuak, Protomakers
- Errealitate birtuala eta bideo mapping-a
- Musika kontzertua: Sara Zozaya
