Maite Goñik zuzendu eta Ulu Mediak eta Azkue Fundazioak elkarlanean ekoitzitako 10 minututan podcast teknopedagogikoak beste bi atal argitaratuditu; hain justu, bederatzigarrena eta hamargarrena: Mikroaplikazio makropraktikoak eta Baliabide digitalen bankuak eta altxorraren mapa hurrenez hurren.
Horrekin batera, Maite Goñik iragarri duanez, asteon argitaratuko dituen bi atal berriak denboraldiko azkenak izango dira: “Aste hontan argitaratuko ditugu @10minututan podcastaren azken bi aleak. Eta gero ikasturte berriarekin itzuliko gara irailean. Adi zure audio plataformari, bi kapituluok ederrak baitatoz!”.
Pedadogia eta teknologia lotzen dituen hariari tiraka azken joerak, aplikazioak eta bestelako edukiak ekarriko ditu Maite Goñik 10 minututan saiora. Labur bezain zehatz azalduko ditu Maitek teknologiaren eta pedagoriaren arteko lotura berritzaileenak.
Wikipediaren arabera, Maite Goñi Eizmendi (Ordizia, Gipuzkoa, 1967) irakaslea da, euskararen sustapenean, teknologiak hezkuntzako ikas-irakas prozesuetan nola txertatu eta konpetentzia digitalaren inguruko gaietan aditua da. Euskararen Aholku Batzordeko kide da hizkuntza-normalizazioaren prozesuan eragina duten arloetako pertsona ezagunen artetik izendatua izan delarik eta bertan IKT Batzorde-atal Bereziko zuzendaria da.
