Seguru inoiz gertatu zaizula: ahots-mezu bat grabatu duzu WhatsAppen, bidali egin duzu, eta ez da ezer entzuten mikrofonoa ez zegoelako aktibatuta edo kaskoak erabiltzen ari zinelako eta ez duzulako behar bezain hurbil hitz egin edo mugikorrak huts egin duelako.
Zorionez, WhatsApp-ek ahots mezu bat bidali aurretik entzun ahal izateko funtzioa ezarriko du aplikazioaren hurrengo bertsioan. Oraingoz, beta bertsioan baino ezin da erabili, baina Android-en erabiltzaile askok jaso dute, eta ondo dabilela ziurtatu dute.
WhatsAppe-n ahots-mezuak bidaltzeko aukera asko aldatzen ari da: orain arte, grabagailuaren botoia sakatuta eduki behar zen mezua bidaltzeko, edo gorantz lerratu hatza kentzeko.
WhatsApp-en bertsio berrian, mezua grabatzeko botoia sakatzean, mezuaren soinu-uhinak ikusten dira, eta azpian hiru botoi agertzen dira: bat soinua ezabatzeko, bestea entzuteko eta, azkenik, beste bat gure kontaktuari bidaltzeko.
Aldaketa gehiago daude: soinu-uhinen lerro bat dagoenez, audioaren zati jakin bat entzun daiteke, eta ez mezu osoa, hatza haren gainetik lerratzean.
Hobekuntza horiek erabili nahi izanez gero, beharrezkoa izango da beta bertsioa Android-en edo iOSen, baina, beta publikoan dagoeneko eskuragarri dagoenez, erabiltzaile guztien telefonoetara iritsiko da laster.
