Bilbon Hiria Irratiko webgunean biltzen denez, Palestinako emakumeen egoera ezagutzeko podcast tailer feminista antolatu du Unrwak. Tailerra euskaraz eta online egingo da.
“Palestinako Errefuxiatuentzako Nazio Batuetako Agentzia Palestinako emakumeen egoera ezagutzeko asmoz Podcast tailerra antolatu du. Otsailaren 11-18-25 eta martxoaren 4an UNRWA Euskadik Podcast Feminista Tailerra izeneko formazioa emango du Virginia Enebral kazetariarekin batera, 18:00etatik 20:00etara, online formatuan eta euskaraz. Formazio honetan, kontakizun soinudunak sortzeko prozesuan murgilduko gara, Palestinako emakume errefuxiatuen istorioetatik abiatuta eta Garapen Iraunkorreko Helburuak (5 eta 6) landuz”.
